Në Kosovë pritet të ketë rritje të çmimit të derivateve brenda kësaj jave.
Kështu e ka konfirmuar kryetari i Shoqatës së Naftëtarëve, Fadil Berjani.
Ai tha se nuk mund të parashikojë se deri në çfarë shifre do të arrijnë çmimet, pasi ka lëvizje të mëdha në Berëzën Ndërkombëtare.
“Brenda kësaj jave do të ketë rritje të lehtë të çmimeve, por nuk mund të flas për shifra sepse la lëvizje në Berëz. Këto lëvizje janë duke ndodhur shkaku i luftës së Rusisë në Ukrainë”, deklaroi Bërjani.
Sipas tij, këtë të mërkurë çmimet e derivateve kanë qenë: Dizelli 1.65 cent kurse Benzina 1.66 cent.
Rritja e çmimeve të naftës dhe benzinës në Kosovë ka shënuar nivelin më të lartë në 20 vjetët e fundit, sipas Shoqatës së Naftëtarëve të Kosovës.
Për shkak të lëvizjes së shpeshtë të çmimeve, ka pasur dyshime se naftëtarët po i kurdisin çmimet.
Kurdisja e çmimeve ose marrëveshja për nivelizimin e çmimeve, është e ndaluar me Ligjin për mbrojtjen e konkurrencës në Kosovë, shkruan Telegrafi.
Për mbikëqyrjen e fenomeneve të tilla, institucion kompetent është Autoriteti Kosovar i Konkurrencës, i cili ka rreth 11 muaj që nuk është funksional dhe kjo për shkak të mungesës së Komisionit Kosovar të Konkurrencës.
