Ukraina ka identifikuar më shumë se 600 të dyshuar rusë për krime lufte dhe ka filluar ndjekjen penale rreth 80 prej tyre, tha prokurorja e përgjithshme e Ukrainës Iryna Venediktova në një shtyp të martën, transmeton InLajmi.
Venediktova foli së bashku me prokurorin e Gjykatës Penale Ndërkombëtare (ICC) Karim Khan dhe homologët e tjerë pas një takimi në Hagë për të diskutuar hetimet mbi krimet e dyshuara të luftës në Ukrainë.
Ajo tha se zyrtarë të nivelit të lartë ushtarak, politikanë dhe agjentë të propagandës së Federatës Ruse janë në mesin e më shumë se 600 të dyshuarve rusë.
Venediktova tha se hetimet janë komplikuar nga fakti se luftimet janë ende në vazhdim.
Estonia, Letonia dhe Sllovakia i janë bashkuar ekipit ndërkombëtar që heton krimet e dyshuara të luftës në Ukrainë, i cili fillimisht u formua nga Ukraina, Lituania dhe Polonia më 21 mars për të mundësuar shkëmbimin e informacionit dhe burimeve, tha Venediktova, shkruan CNN.
Duke folur në të njëjtin shtyp, Khan tha se ICC do të punojë drejt hapjes së një zyre në Kiev në javët e ardhshme./InLajmi/
