Ministri i Mbrojtjes, Armend Mehaj, gjatë vizitës në Bullgari është takuar me homologun Dragomir Zakov, përcjell InLajmi.
Mehaj ka thënë se gjatë këtij takimi ka marrë përsëri konfirmim nga Bullgaria që do ta mbështes Kosovën drejt anëtarësimit në organizatat ndërkombëtare.
Gjithashtu ai tha se Bullgaria, si anëtare e NATO-së dhe BE-së, për Kosovën është dhe do të mbetet partner i rëndësishëm.
Postimi i plotë i tij:
Takim tejet i rëndësishëm ndërmjet 2 ministrave të mbrojtjes të 2 qeverive, Republikës së Kosovës dhe Republikës së Bullgarisë.
Gjatë vizitës zyrtare në Republikën e Bullgarisë, takova homologun tim Dragomir Zakov.
Gjatë këtij takimi edhe njëherë mora konfirmim se Bullgaria është e gatshme të mbështes Republikën e Kosovës në procese të ndryshme të cilat do na afrojnë drejt anëtarësimit në organizatat ndërkombëtare, NATO, në kuadër të kësaj, me theks të veçantë ndihmën që do na ofrojnë në fushën e Mbrojtjes dhe Sigurisë, shkollimin e kadetëve dhe trajnimin e pjesëtarëve të FSK-së.
Bullgaria, si anëtare e NATO-s dhe BE-së, për ne është dhe mbetet partner i rëndësishëm me të cilin synojmë të forcojmë raportet tona duke nënshkruar së shpejti memorandum bashkëpunimi.
Shtetet anëtare të NATO-së janë aleati ynë më i besueshëm! /InLajmi/
