Karim Benzema është shpallur lojtari më i mirë i sezonit në Ligën e Kampionëve
Francezi ka fituar çmimin e më të mirit të sezonit në kompeticion për sezonin 2021/22 nga paneli i vëzhguesve teknik të UEFA-s.
34-vjeçari mbylli kampanjën e Ligës së Kampionëve si golashënuesi më i mirë i sezonit me 15 gola të shënuara.
Benzema u bë lojtari i parë francez që fiton Këpucën e Artë të Ligës së Kampionëve, shkruan Sinjali.
Ai gjithashtu barazoi rekordin e Cristiano Ronaldos për më shumë gola të shënuar në një fazë të vetme eliminuese.
