Udhëheqësit e Bashkimit Evropian kanë rënë dakord për një plan për të bllokuar më shumë se 2\3 e importeve të naftës ruse, transmeton InLajmi.
Ndalimi do të prekë vetëm naftën që arrin nga deti, por jo naftën e tubacionit, pas kundërshtimit nga Hungaria.
Shefi i Këshillit Evropian Charles Michel tha se marrëveshja ndërpreu një burim të madh financimi për makinën ruse të luftës.
Është pjesë e paketës së 6-të të sanksioneve të miratuara në një samit në Bruksel, për të cilën të 27 vendet anëtare duhet të bien dakord.
Rusia aktualisht furnizon 27% të naftës së importuar të BE-së dhe 40% të gazit të saj. BE-ja i paguan Rusisë rreth 400 miliardë euro në vit në këmbim, shkruan BBC.
Deri më tani, nuk janë vendosur sanksione për eksportet e gazit rus në BE, megjithëse planet për të hapur një tubacion të ri gazi nga Rusia në Gjermani janë ngrirë./InLajmi/
