Panari i 22-të i Librit do të rikthehet nga data 7-12 qeshor, pas 2 vitesh mungesë, përcjell InLajmi.
Ky panair do të mbahet në ambientet e Pallatit të Rinisë, panair ky i organizuar nga Shoqata e Botuesve e Kosovës.
Motoja e këtij viti do të jetë “Libri mbron mendjen”.
Panairi do të jetë i hapur për vizitorë çdo ditë nga 9:00-20:00.
Në panairin e sivjetëm do të marrin pjesë rreth 100 botues nga Kosova, Shqipëria, Maqedonia e Veriut dhe Diaspora.
Panairin pritet ta vizitojnë rreth 40 mijë vizitorë: studentë, nxënës të shkollave të mesme dhe fillore të Kosovës, qytetarë dhe personalitete të shquara nga jeta akademike, letrare, politike e intelektuale e Kosovës.
Ky panair përkon edhe me përvjetorë të rëndësishëm që do të shënohen me aktivitete, përkujtime e debate. Do të jenë të pranishëm shkrimtarë ndërkombëtarë e kombëtarë, profesionistë të librit, botues, përkthyes e librarë.
Postimi i plotë nga Shoqata e Botuesve të Kosovës:
RIKTHEHET PANAIRI I LIBRIT PAS DY VJETËSH MUNGESË
Me moton “Libri mbron mendjen”, vjen edicioni i 22-të i kryengjarjes së librit në Kosovë.
Panairi i 22-të i Librit do të mbahet nga 7-12 qershor 2022, në ambientet e Pallatit të Rinisë, organizuar nga Shoqata e Botuesve e Kosovës.
Ceremonia e hapjes do të bëhet më 7 qershor në orën 12:00 dhe do të transmetohet drejtpërdrejt, traditë kjo e televizionit publik të Kosovës, RTK-së. Panairi do të mbyllet më 12 qershor në orën 18:00.
Panairi do të jetë i hapur për vizitorë çdo ditë nga 9:00-20:00.
Hyrja për vizitorë: pa pagesë!
Marrin pjesë rreth 100 botues nga Kosova, Shqipëria, Maqedonia e Veriut dhe Diaspora. Numri i titujve të rinj – rreth 2000. Numri i titujve të viteve të fundit – rreth 6000.
Panairin pritet ta vizitojnë rreth 40000 vizitorë: studentë, nxënës të shkollave të mesme dhe fillore të Kosovës, qytetarë dhe personalitete të shquara nga jeta akademike, letrare, politike e intelektuale e Kosovës. Ky panair përkon edhe me përvjetorë të rëndësishëm që do të shënohen me aktivitete, përkujtime e debate. Do të jenë të pranishëm shkrimtarë ndërkombëtarë e kombëtarë, profesionistë të librit, botues, përkthyes e librarë. /InLajmi/
