Kryeministri i Kosovës, Alabin Kurti, ka përkujtuar 23 vjetorin e heronjëve Rasim Kiçinën dhe Ragip Halilajn të cilët u vranë me 30 maj 1999, përcjell InLajmi.
Kurti ka thënë se Kiçina dhe Halilaj përveç që ishin trima ata ishin edhe të përgjegjshëm kundër rrezikut nga forcat e armatosura serbe.
Gjithashtu ai tha se rruga patriotike është ajo që dëshmorët e kombit e mësuan dhe se e ka për detyrë që si institucion të vazhdojë të eci drejt asaj rruge.
Postimi i plotë i tij:
Për shumë luftëtarë, konfrontimet e tyre direkte me policinë serbe në rininë e hershme, bëheshin përcaktuese të rrugës së rezistencës së armatosur kundër pushtuesit.
Momente të tilla i kthyen Rasim Kiçinën dhe Ragip Halilajn në luftëtarë të paluhatshëm dhe të pathyeshëm. Përveçse trima ata ishin edhe të përgjegjshëm. Rrezikut që i kanosej popullatës civile nga forcat e armatosura serbe i qëndruan përballë deri në vetëmohim. U vranë më 30 maj 1999, në luftime të ashpra me forcat serbe në Arllat.
Në këtë 23 vjetor të rënies heroike të Rasim Kiçinës e Ragip Halilaj, shprehim respektin deri në përulje për këta kolosë të lirisë.
Rruga patriotike dhe e ndershme është ajo që na e mësuan dëshmorët e kombit. E kemi detyrë dhe obligim, që si institucione dhe si shoqëri të vazhdojmë të ecim asaj rruge. /InLajmi/
