Kryeministri i Kosovës, Albin Kurti ka thënë se viti i parë i qeverisës së Vetëvendosjes ka qenë shumë sfidues. Mirëpo, përkundër kësaj, ai ka thënë se janë arritur rezultate dhe janë tejkaluar pritshmëritë.
Shefi i Ekzekutivit, ka thënë se e kanë menaxhuar mirë pandeminë, dhe është shënuar rritje dyshifrore ekonomike. Sipas tij, është luftuar edhe krimi i organizuar dhe korrupsioni.
Në mbledhjen e Këshillit të Përgjithshëm të Vetëvendosjes, Kurti ka thënë se janë avancuar aleancat dhe partneritetet me shtetet mike.
“Kemi respektuar kushtetutshmërinë dhe ligjshmërinë. Kosova është bërë fanar i demokracisë dhe zhvillimit në rajon. Qytetarët kanë besim në institucione. Anët arsimi ynë në KE është vlerë e shtuar për Këshillin dhe mundësi për Kosovën që të përparoj edhe më shumë në fushën e drejtave të njeriut”, ka thënë ndër të tjera Kurti.
Më tutje, ai ka paralajmëruar se Kosova do të aplikoj për anët arsim në BE.
Kurti ka përmendur edhe hapjen e rrugës për rritje të pagës minimale, transmeton Indeksonline.
Ai thotë se në këtë vit qeverisje, qytetarëve u është kthyer besimi në shtet duke shtuar se qytetarët po shohin një të ardhme më të ndritshme në Kosovë.
