Këto ditē në Indi, nē gjuhēn angleze doli nga shtypi libri me poezi i Dr. Xhemil Bytyçi, autor I mbi 30 veprave letrare, i përkthyer edhe në disa gjuhë të huaja.
Përmbledhja e poezive “Lojë hijesh” nga Dr. Xhemil Bytyçi, është një buqetë e veçantë e poezive, shkruar njëkohësisht me ndjeshmërinë e poetit dhe atë të mjekut i cili në mënyrë rutinore është ballafaquar me dhimbjen përgjatë karrierës së tij mjekësore dhe jetës së çuar si pjesë e një kombi që ka përjetuar sfida të mëdha! Shkruan kritikja letrare dhe recedentja e librit Padmaja Iyengar-Paddy.
Poezitë gjithashtu shfaqin dhimbjen dhe tensionin, si dhe vendosmërinë dhe shpresën që e udhëhoqi popullin Shqipëtar drejt synimit të tyre të çmuar.Thirrja e vuajtur për liri është e qartë dhe evidente në tërë përmbledhjen e poezive. Në fakt, nuk do të ekzagjeroja sikur të thosha se ky libër u dedikohet të gjithë atyre që u përpoqën dhe dhanë jetët e tyre për lirinë e Shqipërisë — për Shqipërinë e sodit, si shtet që frymon lirë, që qëndron shtatlartë me fuqi dhe aftësi të veta, që mbanë kryet lartë!
Krenaria ndaj aftësisë për të ecur përpara me fuqi të veta, është lajtmotiv mjaft i pranishëm në poezitë e Dr. Xhemil Bytyçit, e sidomos në përmbledhjen “Lojë hijesh”. Në të njejtën mënyrë aty gjejmë edhe lartmotivin e krenarisë ndaj krijimit të aftësisë për të ndërtuar një shteg dhe identitet të qartë e të veçantë në arenën ndërkombëtare si një shtet i lirë.
Titulli “Lojë hijesh” i kësaj përmbledhjeje të shkruar me aq ndijesi nga Dr. Xhemil Bytyçi, është aq i qëlluar në çdo pikë ngaqë besoj se rrugëtimi për liri shpesh çon nëpërmjet labirinte dhe lojëra hijesh prej të cilave duhet të gjindet rrugëdalja për në një hapsirë të gjerë ku mund të frymmohet lirë!
Gjuha është një veçori e shquar e “Lojë hijesh” — aq e ëmbël, aq qetësuese, por kategorike në atë pohon. Dhe mu ky tipar e bënë këtë një përmbledhje poetike që është si mësim për poetët e rinj si dhe atyre me renome, për atë se si të shqyrtohet një pikë në mënyrë efektive por pa qenë ashiqare!
Patosi dhe dhembshuria, zhgënjimi dhe deshpërimi i një situate të caktuar — që të gjitha mund të ndjehen aq thellë në vargjet e mësipërme, saqë na duket vetja jonë si një prej personave që është duke e përjetuar atë dhimbje! Thirrja përfundimtare dhe qëllimi përfundimtar për liri shfaqet në çdo fjalë të kësaj përmbledhjeje poezie mjeshtërisht të shkruar nga Dr. Xhemil Bytyçi.
Siç kuptohet nga titulli i poezisë loja e hijeve është një lojë e shkëlqyer e fjalëve dhe shprehjeve që të lë mbresa, që t’i prekë ndjenjat dhe të bën të mendosh thellë.
Gjithashtu dua të shtoj se, ashtu si dëshmohet nga poezia në poezi në këtë përmbledhje, lufta për liri ishte e vështirë për popullin shqiptar, që derdhi gjak e djersë, e dhuroi jetë njerëzish për një çështje të lartë si pavarësia e një kombi.
“Lojë hijesh” nga Dr. Xhemil Bytyçi është libër që do t’ja rekomandoja çdo biblioteke dhe çdo studenti të gjuhës angleze për të mësuar artin dhe zanatin e të shkruarit të poezisë. Në fakt është libër që duhet të futet nëpër syllabuset e fakulteteve për studentët e letërsisë angleze.
Përzgjedhjes poetike “Lojë hijesh” nga Dr. Xhemil Bytyçi i dëshiroj të ketë një lexueshmëri të gjerë , ngaqë besoj se një përmbledhje e tillë duhet të shkojë larg dhe të lejë gjurmë përgjatë botës letrare!
Padmaja Iyengar-Paddy, India
Poete, shkrimtare dhe botuese dhe fiturse e shumë çmimeve letrare.
