Ministri rus i financave tha se Rusia kërkon burime të konsiderueshme financiare në mënyrë që të vazhdojë të mbështesë ekonominë e saj dhe “operacionin e saj special” në Ukrainë, transmeton InLajmi
“Para për një operacion special do të thotë se nevojiten burime të mëdha”, thotë Anton Siluanov.
Zyrtarët e Moskës këmbëngulin që t’i referohen pushtimit të Ukrainës si një “operacion special ushtarak”.
Ai shton se qeveria ruse do të shpenzojë 8 trilion rubla në formën e një pakete stimulimi ekonomik këtë vit.
“Fonde të mëdha. Ne kemi nevojë për këto burime për të mbështetur ekonominë, për të mbështetur qytetarët tanë.” shtoi ministri, shkruan BBC.
Ekonomia ruse ka ecur keq në muajt e fundit pasi u godit nga sanksionet perëndimore, me disa parashikime që parashikojnë që PBB-ja e saj të tkurret nga 8.5% në 15% këtë vit./InLajmi/
