Gjatë ditës së sotme është mbajtur Forumi i bizneseve të diasporës, ku pjesëmarrës ishte edhe kryeministri i vendit, Albin Kurti, raporton InLajmi.
Kryeministri i Kosovës, Albin Kurti ka njoftuar për arritjet e tij gjatë vizitës në SHBA, duke theksuar se ka negociuar marrëveshje me MCC-në për investim mbi 200 milionë dollarësh në sektorin e energjisë.
Kam kënaqësinë ta hapi këtë forum të bizneseve të diasporës. Shpresoj të lidhen partneritete bashkëpunimi me Kosovën dhe diasporën. Sot jam kthyer nga Amerika pas 2 javësh. Gjatë vizitës atje kemi negociuar marrëveshje me MCC-në për investim mbi 200 milionë dollarësh në sektorin e energjisë. Biseduam rreth mënyrave për avancim të bujqësisë. Prezantuam arritjet ekonomike në Kosovë”.
Kurti ndër të tjera, tha se në Davos të Zvicrës ka prezantuar interesat ekonomike të Kosovës, ai tha se Kosova është renditur e para në Ballkan për sundim të ligjit, si dhe vlerësoi se viti 2021 ka qenë vit i zhvillimit ekonomik prej 10.5% , duke përmendur edhe arritjet e tjera të kësaj qeverie.
Interesat ekonomike i kam prezantuar edhe në Davos. Kosova është shteti më demokratik. Jemi renditur të parët në Ballkan për sundim të ligjit. Jemi ngritur për 17 vende për indeksin internacional. Viti 2021 ka qenë i zhvillimit ekonomik prej 10.5%. Kemi pas po ashtu rritje të eksporteve 83.6%, rritje të investimeve të huaja direkte 22%. Kur shohin që nuk ka korrupsion, qytetarët janë të gatshëm të paguajnë tatime. Kemi krijuar 25 mijë vende të reja të punës”,
Kryeministri tha se Qeveria e Kosovës është duke punuar edhe për të modernizuar hekurudhat.
Aeroporti Adem Jashari është me më së shumti fluturime këtë vit. Afërsia e porteve mesdhetare e bëjnë Kosovën vend tregtar. Jemi duke punuar të modernizohen edhe hekurudhat. Kosova ka 650 kompani në fushën e teknologjisë dhe komunikimit. Prej 650 kompanive 10% janë në pronësi të huaj. Gjatë vizitës në Çikago isha dëshmitar i një kompanie që kishte 6000 hektar tokë punuese”. /InLajmi/
