Më herët kemi raportuar se SHBA po përgatitet të ofrojë sisteme raketash të shumëfishta (MLRS) në Ukrainë, sipas raporteve në mediat amerikane, transmeton InLajmi.
Të shtunën e kaluar, presidenti i Ukrainës, Volodymyr Zelensky përsëriti kërkesën e tij që vendet perëndimore dhe ato të NATO-s të furnizojnë armatimin.
“Mund të them sinqerisht se pritjet tona janë shumë të larta dhe ne kemi pritur një kohë të gjatë dhe shpresoj për një përgjigje pozitive që do të na lejojë të marrim armë MLRS,” tha ai gjatë një konference shtypi në Kiev.
Falë këtij sistemi, “Ukraina do të jetë në gjendje të ndërmarrë hapa për të çliruar vendin e saj”, shtoi ai, shkruan BBC.
Sistemi i fuqishëm M270 mund të lëshojë raketa më larg se çdo armë që posedon aktualisht Ukraina./InLajmi/
