Ministri i Mjedisit, Planifikimit Hapësinor dhe Infrastrukturës, Liburn Aliu, ka raportuar në Komisionin për Mjedis, Ushqim, Bujqësi, Planifikim dhe Zhvillim, raporton InLajmi.
Aliu theksoi se targeti kryesor i ministrisë është çështja e ujërave, sepse sipas tij kapacitetet ujore në vendin tonë janë mjaft të limituara.
Targetet kryesore të ministrisë janë çështja e ujërave, sepse kapacitetet ujore në vendin tonë janë mjaft të limituara. Rezervat tona të ujit janë jashtëzakonisht të vogla pasi lumenjtë dalin nga vendi ynë. Kemi 50 milionë metra kub ujë të rezervuar në vendin tonë në rezervarët e ndërtuara nga e kaluara”, tha ministri.
Gjithashtu Aliu tha se aspekt tjetër i kësaj ministrie është edhe mjedisi dhe mbrojtja e tij, e për këtë ai theksoi se do të hapen deponi të reja në harmoni me politikat e Bashkimit Evropian, që prioritet do të jetë reciklimi dhe ripërdorimi i tyre.
Ministri tha se krahasuar me Shqipërinë, Kosova ka rreth 80% më pak kapacitete ujore.
“Aspekti tjetër me fokus është mjedisi, e që ka të bëjë me ajrin dhe me helmimin e tokës. Kur flasim për tokën e keni parasysh mbeturinat, ato të rrezikshme dhe në veçanti mbeturinat urbane. Dua të theksoj se gjendja në vendin tonë është mjaft e rëndë, sepse bëhet në deponi e të cilat synojnë të zgjerohen dhe kanë ndikime të shumta në helmimin e tokës dhe degradimin e ambientit. Ka qenë praktikë që të hapet deponi të reja e të kapsullohen e ky trend duhet me u përfundu me një përfundim i cili duhet të jetë në harmoni me politikat e Bashkimit evropian. Sipas kësaj, prioritet i jepet riciklimit, ripërdorimit të tyre, prodhimit të energjisë nga to, e deponimi i tyre”, u shpreh ai. /InLajmi/
