Ministrja e Arsimit, Arbërie Nagavci ka njoftuar se do të ndërtohen 6 çerdhe të reja në Prishtinë, Podujevë, Gjilan, Viti, Deçan, Gjakovë, përcjell InLajmi.
Nagavci njoftoi se Ministria e Arsimit konform legjislacionit në fuqi, ka hapur tenderin me datë 23 maj 2022 për ndërtimin e këtyre 6 çerdheve, me projekte tipike me dizajn të njëjtë sipas normave dhe standardeve për këtë nivel.
Mirëpo krahas këtyre komunave, Nagavci theksoi se tenderi për një çerdhe të re është publikuar edhe për Komunën e Fushë Kosovës.
Nagavci premtoi se MASHT-i do të vazhdojë të zgjerojë hapësirën, që secili fëmijë në Kosovë të ketë qasje në këto institucione të rëndësishme për zhvillimin në fëmijërinë e hershme
Postimi i plotë i saj:
6 çerdhe të reja në komunat Prishtinë, Podujevë, Gjilan, Viti, Deçan, Gjakovë.
Me qëllim të realizimit të prioritetit qeveritar për zgjerimin e infrastrukturës për edukimin parashkollor, Ministria e Arsimit konform legjislacionit në fuqi, ka hapur tenderin me datë 23 maj 2022 për ndërtimin e gjashtë çerdheve, me projekte tipike me dizajn të njëjtë sipas normave dhe standardeve për këtë nivel.
MAShTi ka publikuar edhe tenderin për projektim të çerdhes së shtatë në Fushë Kosovë, ndërsa po punojmë edhe në adoptimin e objekteve shkollore për këtë qëllim, aty ku ka hapësirë.
Tashmë është publikuar tenderi për renovimin dhe funksionalizimin e objektit shkollor në kopsht për fëmijë në Junik, ndërsa tri të tjera në Ferizaj, Malishevë dhe Kaçanik janë në procedura të përgatitjes së projekteve.
Do të vazhdojmë të zgjarojmë hapësirën, derisa të sigurohemi që secili fëmijë në Kosovë të ketë qasje në këto institicione të rëndësishme për zhvillimin në fëmijërinë e hershme. /InLajmi/
