Moska është e gatshme të japë një kontribut të rëndësishëm për të shmangur një krizë globale ushqimore nëse Perëndimi heq sanksionet e vendosura ndaj Rusisë për shkak të Ukrainës, tha presidenti rus Vladimir Putin, transmeton InLajmi.
Putin tregoi gjithashtu për hapat e ndërmarra për të garantuar sigurinë e lundrimit, duke përfshirë hapjen e korridoreve humanitare për daljen e anijeve civile nga portet e Azovit dhe Detit të Zi, të cilat pengohen nga pala ukrainase, tha Kremlini në një deklaratë.
Fermerët ukrainas kanë 20 milionë tonë drithë që nuk mund t’i arrijnë në tregjet ndërkombëtare dhe një korrje e re është gati të fillojë, shkruan BBC.
Ministri i Jashtëm ukrainas Dmytro Kuleba e ka përshkruar më parë si “shantazh” ofertën e Rusisë për të hequr bllokadën e porteve të Detit të Zi ukrainas, në këmbim të heqjes së sanksioneve. /InLajmi/