Ministri i Financave, Hekuran Murati, është përplasur në seancën e Kuvendit me deputetët e opozitës sa i përket tërheqjes në Trust, raporton InLajmi.
Murtati ka thënë se Trust kanë zero, studentët, dhe familjaret me asistencë sociale e që sipas tij kjo po i bie që ata i marrin 30% për pagën minimale.
“Sa kanë trust familjet në asistencë sociale, zero, sa kanë trust studentët zero, sa kanë trust pensionistët zero, sa kanë trust ata që paguhen me pagë minimale, mundem me i pasë 100 euro, që 30% i bie 30 euro me këto masa po doni me i ndihmu këto familje”, u shpreh Murati.
Më tej, ai ka kritikuar opozitën se nuk e kanë përkrahur marrëveshjen me Bankën Botërore për zgjerimin e skemës sociale.
“Në krizë inflacionare të tillë çka duhet të bëhet është që t’i mbështesë ata që kanë nevojë më së shumti, e që janë rastet sociale, qeveria për tërë vitin kemi rritë buxhetin për mbështetje ndaj këtyre familjeve dhe kemi dizajnuar skemën që familjet që kanë më shumë fëmijë të përfitojnë më shumë. Ne kemi sjellë marrëveshjen me Bankën Botërore që zgjeron skemën sociale, por ju s’po e votoni”, tha ai. /InLajmi/
