Në Qendrën Klinike Universitare të Kosovës, ka ndërruar jetë 20 vjeçarja e cila po trajtohej për shkak të lëndimeve të pësuara nga një aksident trafiku, përcjell InLajmi.
Aksidenti ka ndodhur më 17 maj fshatin Krushë e Madhe e Rahovecit, kur vetura e kishte goditur tashmë të ndjerën duke i shkaktuar lëndime të rënda trupore.
Lajmin për InLajmin e ka konfirmuar zëdhënësi i Policisë së Kosovës për rajonin e Gjakovës, Sheremet Elezaj.
“Po, mund të konfirmoj se sot ka ndërruar jetë në QKUK 20-vjeçarja e cila më datë 17.05.2022 ishte goditur nga një veturë në fshatin Krushë e Madhe e Komunës së Rahovecit”, deklaroi Elezaj.
Më tej tha se viktima është dërguar në Institutin e Mjekësisë Ligjore për obduksion. /InLajmi/
