Presidentja e Kosovës, Vjosa Osmani, ka marrë pjesë në konferencën ndërkombëtare në Tiranë, “Trendet aktuale të trafikimit të qenieve njerëzore në Ballkanin Perëndimor”, të cilës ftesën ja ka bërë Presidenti i Shqipërisë Ilir Meta, përcjell inLajmi.
Osmani ka thënë se bashkë me senatorë e kongresmenë amerikanë kanë diskutuar për trendin aktual në kontekstin shtetëror, rajonal e ndërkombëtar.
Më tej, ajo tha se trafikimi për qeneje njerëzore nuk është vetëm një fenomen për ta trajtuar nga prizmi ligjor e institicional.
Postimi i plotë i saj:
Me ftesë të presidentit Ilir Meta, sot kam marrë pjesë në konferencën ndërkombëtare në Tiranë, me temë: Trendet aktuale të trafikimit të qenieve njerëzore në Ballkanin Perëndimor.
Bashkë me senatorë e kongresmenë amerikanë, përfaqësues të organizatavendërkombëtare dhe të atyre joqeveritare që merren me luftën kundër trafikimit me qenie njerëzore, diskutuam për trendin aktual në kontekstin shtetëror, rajonal e ndërkombëtar.
Trafikimi me qenie njerëzore nuk është vetëm një fenomen që duhet trajtuar nga prizmi ligjor e institucional. Trafikimi do të thotë një mundësi e humbur për zhvillim personal e avancim, një jetë larg bankave shkollore apo familjarëve e më të dashurve – do të thotë vuajtje, dhimbje, e dëshpërim. Ne duhet t’i shkatërrojmë zinxhirët e këtij krimi përpara se ato ta shkatërrojnë fatin e më shumë njerëzve. /InLajmi/
