Në Kosovë pritet të mbajë mot mjaft i nxehtë dhe me zagushi gjatë paraditës dhe mesdites. Pasdite priten zhvillime lokale të vranësirave të shiut të cilat do të kushtëzojnë rrebeshe të izoluara shiu me vetëtima, bubullimë dhe mundësi për breshër. Temperaturat do të lëvizin nga 11 deri në 32 gradë Celsius.
Në Shqipëri dhe rajon nesër pritet të mbajë mot kryesisht me diell dhe i nxehtë. Pasdite priten zhvillime lokale të vranësirave të shiut të cilat do të kushtëzojnë rrebeshe të izoluara shiu me vetëtima, bubullimë dhe breshër. Rrebeshe të izoluara priten në veri të Malit të Zi, juglindje të Shqipërisë dhe shumë vise në Maqedoninë Veriore dhe Kosoven Lindore. Në viset tjera pritet mot me diell dhe stabil gjatë tërë kohës.
Edhe të enjten dhe të premtën na pret mot mjaft i nxehtë dhe me diell, por pasdite priten rrebeshe të fuqishme në zona të izoluara.
Për fundjavë rrebeshet e shiut do të shpeshtohen dhe priten në shumë zona ku mund të ketë edhe stuhi lokale dhe rrebeshe intensive. Të dielën rrebeshe priten në bregdetin shqiptar. Temperaturat do të fillojnë të ulen, ndërsa reshjet do të jenë shumë të mirëseardhura.
