Pula është mishi i zgjedhur në Mbretërinë e Bashkuar për tryezën e darkës, por konsumatorët e kanë vënë re se çmimet rriten në faturat e tyre, transmeton InLajmi.
Me rritjen e kostos së ushqimit të pulave, energjisë dhe transportit, zinxhirët e ushqimit të shpejtë si Nando’s dhe KFC tashmë kanë ngritur disa çmime, kjo është pjesërisht për shkak të luftës në Ukrainë.
Çertoret në Mbretërinë e Bashkuar janë nën presion pasi kostot për ushqimin, energjinë elektrike dhe ngrohjen për periudhën e inkubacionit të zogjve janë rritur dhe ato po kalohen në ferma.
Disa prej kasolleve kanë edhe kontejnerë gazi GLN për ngrohje. Çmimet për karburantin tani arrijnë në 40 p për litër, nga 15 p 2 vjet më parë, nxitur nga pushtimi rus i Ukrainës dhe shqetësimet për ndikimin që mund të ketë konflikti në furnizimet nga një prej eksportuesve më të mëdhenj të gazit në botë, shkruan BBC.
Ushqimi i pulave shpesh përbëhet nga gruri ose soja, të cilat kanë parë rritje të çmimeve për shkak të korrjeve të dështuara verën e kaluar gjatë konfliktit në Ukrainë-Rusi./InLajmi/
