Zgjedhja e presidentit të ri ka tërhequr vëmendjen e mediave të huaja. “Askush nuk do të bëhet president në Shqipëri”, shkruan në një artikull e përditshmja austriake “Kurier”.
“Shqipëria ka presidentin deri më 24 korrik. Në këtë datë i skadon mandati kreut aktual të shtetit shqiptar, Ilir Meta, raporton “Kurier”
Për momentin është jashtëzakonisht e pasigurt se kush do ta pasojë, sepse asnjë parti parlamentare nuk ka propozuar kandidat për raundin e 2-të të zgjedhjeve presidenciale. Afati i regjistrimit ishte dje, e diel, ora 16:00, shkruan Abc.News.al.
Sipas procedurës aktuale, presidenti i Shqipërisë zgjidhet në 5 raunde. Seanca e Kuvendit është caktuar për të hënën, kur duhet të zhvillohet edhe votimi i 2-të. Për shkak të mosregjistrimit të kandidatëve, kjo paraprakisht konsiderohet e pasuksesshme”.
