Kryetari i PDK-së, Memli Krasniqi, ka kujtuar deputetin Shaip Kamberi, i cili tha se ka punuar pa ndalë për interesat e shqiptarëve, përcjell InLajmi.
Krasniqi ka thënë se edhe pse Kamberi ka fituar mjaftueshëm vota edhe për një mandat si deputet por Gjykata ka vendosur që zgjedhjet ti ripërsëriten në Tërnoc.
Gjithashtu ai ftoi të gjithë qytetarët që me 27 maj të dalin të votojnë Kamberin që ta vazhdoj mandatin e tij.
Postimi i plotë i tij:
Mobilizim për Shaip Kamberin!
Shaip Kamberi është një patriot i guximshëm, që, si deputet, ka punuar pa ndalë për interesat e shqiptarëve në Luginë. Edhe pse ai fitoi mjaftueshëm vota edhe për një mandat të deputetit, Gjykata ka vendosur që zgjedhjet të ripërsëriten në Tërnoc.
Prandaj, të gjithë shqiptarët në Tërnoc, me 27 maj, duhet të mobilizohen dhe mos të lejojnë që Shaipit t’ia marrin mandatin nga duart.
Shaipi është e vetmja shpresë e shqiptarëve të Luginës që të kenë një zë të fuqishëm në Kuvendin e Serbisë – e i cili nuk guxon të ndalet. Mobilizohuni dhe dilni e votoni.
Për Shaipin, për shqiptarët! /InLajmi/
