Ushtruesi i detyrës së kryetarit të OVL-së, Faton Klinaku ka thënë se kryeministri i Kosovës, Albin Kurti e ka shfajësuar presidentin serb, Aleksanar Vuçiç pasi ka thënë se Millosheviqi nuk e ka pyetur këtë të fundit për krimet e bëra në Kosovës, përcjell InLajmi.
Sipas Klinakut, kushti i Kurtit për dialogun mes Prishtinës dhe Beogradit ishte që Serbia duhet të kërkojë falje për krimet në Kosovë, tani sipas Klinakut , kryeministri i shtetit kosovar po amneston udhëheqësit serb.
Tutje Klinaku thumboi anëtarin e LDK-së, Driton Selmanaj sepse ky i fundit kishte sipas tij që Adem Demaçi dhe Albin Kurti kishin hapur zyrë politike të UÇK-së në mes të Prishtinës dhe s’u ndodhi asgjë nga forcat serbe, ndërsa Fehmi Agani një ndër themeluesit e LDK-së ishte vrarë nga forcat serbe vetëm, sepse i përkiste lëvizjes pacifiste të LDK-së, Klinaku iu drejtua Selmanajt duke i thënë se as Ibrahim Rugova nuk ishte vrarë nga forcat serbe çfarë do të thoshte me këtë fakt.
Postimi i plotë, i tij:
Sa skandalet janë duke i bërë, vetëm me reagu për çdo ditë!
Albin Kurti e paska shfajësuar Vuçiqin për krimet në Kosovë, duke thënë se Millosheviqi nuk e ka pyetur atë.
Albin, nga kushti që para dialogut Serbia duhet të kërkojë falje për krimet, e deri te amnestia për udhëheqësit serb, çfarë është kjo?
Driton Selmanaj paska thënë se Adem Demaçi dhe Albin Kurti kishin hapur zyrë politike të UÇK-së në mes të Prishtinës dhe s’u ndodhi asgjë, kurse profesori dhe njëri nga themeluesit e LDK-së, Fehmi Agani dhe avokati Bajram Kelmendi ishin vrarë nga forcat serbe edhe pse i përkisnin lëvizjes pacifiste të Lidhjes Demokratike të Kosovës.
Driton, as Ibrahim Rugovën nuk e kanë vra apo jo?/InLajmi/
