Një ngjarje e rëndë ka ndodhur këtë të hënë në Komisariatin nr. 3 në Tiranë, ku një punonjës policie ka vrarë me armë zjarri kolegun e tij, pas një konflikti të ndodhur në sallën e mbledhjeve.
Punonjësi Ç.S fillimisht ishte dërguar në spital në gjendje të rëndë dhe ishte futur në sallën e operacionit, ndërsa nuk ka mundur t’u mbijetojë plagëve.
Autori L.Z aktualisht ndodhet në komisariat, ndërsa në vendngjarje janë dëgjuar 6 të shtëna.
Sipas informacioneve, të 2 janë policë të patrullës së përgjithshme, ndërsa viktima ishte në prag pensioni. Autori ka një vit e gjysmë në polici, kurse viktima ushtronte detyrën prej mbi 20 vitesh, shkruan Top Channel.
Në ambientet e Komisariatit nr. 3 gjithashtu ka shkuar një grup i posaçëm nga Drejtoria e Përgjithshme e Policisë së Shtetit, përfshirë ekspertë të Drejtorisë së Standardeve Profesionale dhe nga Departamenti i Rendit dhe Sigurisë Publike.
