Nënkryetarja e LDK-së, Shqipe Mjekiqi, ka thënë në një konferencë për media, tha se vizita 18-ditore e shefit të Qeverisë nuk ka sjellë asnjë të mirë vendit, raporton InLajmi.
Mjekiqi ka thënë se Kryeministri i Kosovës është Kthyer nga SHBA-ja pa asnjë takim me zyrtarë të lartë.
“Albin Kurti është kthyer nga SHBA-ja në Evropë në vizitë të tejzgjatur. Për të përmbledh këtë vizitë, kryeministri Kurti edhe pse ai nuk e përmblidhi vet, e përfundoi vizitën pa asnjë takim me zyrtarë të lartë. Takimet e tilla të nivelit e lartë janë të zakonshme për krerët e rajonit. Shëtitja 18-ditore e Kurtit në SHBA në kohë krize në vend zbeh peshën institucionale që ka pas Kosova në rajon”, tha ajo.
Anëtari i kryesisë së LDK-së, Muhamet Hamiti, tha se nëse ka qenë qëllimi kryesor i shëtitjes së Kurtit në SHBA kjo ka qenë diplomacia ekonomike, dhe kjo nuk është bërë në mënyrën e duhur.
“Nga ajo që pamë ishin takime at-hoc pa një strategji të mirëfilltë. Dinamika e zhvillimeve nuk lejon që kryeministri të shkojë pa u dakorduar mirë. Nëse qëllimi kryesor i shëtitjes së Kurtit në SHBA ka qenë diplomacia ekonomike, kjo nuk është bërë në mënyrën e duhur dhe është bërë pa program. Kurti tregon që është i vetëmjaftueshëm dhe nuk ka strategji kur i qaset kompanive të huaja”, tha Hamiti.
Gjithashtu Hamiti, tha se Kurti tregon që është i vetëmjaftueshëm dhe nuk ka strategji kur i qaset kompanive të huaja. /InLajmi/
