Kryetari i Komisionit për Ekonomi, Ferat Shala ka treguar se pas mbledhjes të mbajtur me bordin e ZRRE-së, Kosova për momentin është pa tarifa të energjisë elektrike, raporton InLajmi.
“Vendi është pa tarifa të energjisë situata është jashtë zakonisht shqetësuese, deri në vendimin final të gjykatës, bordi e respekton vendimin e gjykatës, por vendi është për momentin pa tarifa të energjisë elektrike” tha ai.
Shala ka theksuar se vendimet e ZRRE-së i kanë quar në gjykate sepse u janë dukur diskriminuese për qytetarët.
“E kemi dërguar në gjykatë vendimin e ZRRE-së, sepse ka qenë vendim diskriminues për qytetarët e Kosovës, Qeveria e Kosovës me ndërhyrje juridike ka bërë shkelje sepse Kosova nuk ka pasur nevojë për import” shtoi ai.
Tutje Shala ka thënë se ngritja e çmimit më arsyetim të importit ka qenë lajthitja më e madhe juridike dhe politike./InLajmi/
