Agjencia e Kosovës për Inteligjencë ka njoftuar opinionin publik se Zyra e Prokurorit të Specializuar ka dërguar një fletëthirrje për dëshmitar ndaj Inspektorit të Përgjithshëm të AKI-së, Burim Ramdanit, përcjell InLajmi.
Sipas AKI-së në këtë thirrje precizohet se Burim Ramadani urdhërohet që të paraqitet si dëshmitarë për t’u marrë në pyetja nga Zyra e Prokurorit të Specializuar që të ofrojë detaje në lidhje me lokacionin e tij fizik dhe gjeografik gjatë kohës se luftës, dhe të ofrojë dokumentacion përfshirë këtu edhe fotografi dhe të dhëna tjera nga periudha nga 1 janar 1998 deri 31 dhjetor 2000.
AKI shton se Ramadani është plotësisht i vetëdijshëm për obligimet ligjore në raste të tilla dhe beson se ky është një gabim teknik dhe si i tillë shpreson se do të sqarohet më tutje.
Njoftim i plotë, i AKI-së:
AKI njofton opinionin publik se Zyra e Prokurorit të Specializuar ka dërguar fletëthirrje për dëshmitar për Inspektorin e Përgjithshëm të AKI, z. Burim Ramadani.
Në fletëthirrje precizohet se z. Ramadani urdhërohet të paraqitet si dëshmitar për t’u marrë në pyetja nga Zyra e Prokurorit të Specializuar, në datën e caktuar, dhe në fletëthirrje nga ai është kërkuar që “të ofrojë detaje në lidhje me lokacionin e tij fizik dhe gjeografik gjatë kohës se luftës, dhe të ofrojë dokumentacion përfshirë këtu edhe fotografi dhe të dhëna tjera nga periudha nga 1 janar 1998 deri 31 dhjetor 2000”.
Ramadani është plotësisht i vetëdijshëm për obligimet ligjore në raste të këtilla, sikurse edhe që beson se ky është një gabim teknik dhe si i tillë do të qartësohet më tutje./InLajmi/
