Vendi i përdorur zakonisht nga Rusia për të promovuar veten në Forumin Ekonomik Botëror (WEF) në Davos është riemërtuar si Shtëpia Ruse e Krimeve të Luftës, transmeton InLajmi.
Shtëpia e Rusisë u përdor për shumë vite për të pritur ngjarje në WEF nga rusët. Një biznesmen ukrainas, duke punuar me WEF, e ka kthyer vendin në një ekspozitë për shkatërrimin dhe krimet e luftës në Ukrainë.
Organizuar nga Fondacioni Victor Pinchuk dhe PinchukArtCentre, një qendër ndërkombëtare për artin bashkëkohor me qendër në Kiev, “ekspozita synon të informojë për faktet kryesore, të ndajë fytyrat, emrat dhe datat dhe t’u sigurojë të paktën disa prej viktimave një platformë nga e cila mund të tregojnë historinë e tyre e vërtetë”, tha fondacioni në një deklaratë për shtyp.
Björn Geldhof, kuratori i ekspozitës, tha se procesi i mbledhjes dhe verifikimit të imazheve zgjati rreth një javë e gjysmë, duke mbledhur më shumë se 4.600 imazhe që tregojnë “sasi dërrmuese të provave të krimeve të luftës”.
“Një ekspozitë si kjo, është një nga hapat për të rritur ndërgjegjësimin për domosdoshmërinë absolute të sjelljes së kriminelëve të luftës para drejtësisë dhe kjo nuk është ekskluzivisht detyra e Ukrainës, kjo është një detyrë e përbashkët, kjo është një detyrë për të gjitha vendet në botë. të thuash se kjo nuk mund të jetë”, tha Geldhof, shkruan CNN.
Ai shtoi se ky projekt ka të bëjë me njerëzit që janë sulmuar dhe vrarë. /InLajmi/
