Ministrja e arsimit, Arbërie Nagavci ka thënë se buxheti i këtij viti për arsim është 12% më i lartë sesa në vitin paraprak, përcjell InLajmi.
Nagavci theksoi se Ministria e Arsimit do të kontribuojë që të bëhet avancimi i sistemit arsimor, ku në qendër do të ketë nxënësit dhe mësimdhënësit.
Sipas ministres, nëse përmirësohet rezultati në arsim zhvillohet edhe shteti.
Ajo theksoi se arsimi nuk është partiak e as vetëm profesion, por mbi të gjitha është misioni që synon të bashkojë të gjithë.
Postimi i plotë i saj:
Arsimi është e djeshmja, e sotmja dhe e ardhmja e brezave që vijnë.
Arsimi nuk është partiak që të na ndajë, nuk është vetëm profesion , është mbi të gjitha mision. Mision që na bashkon.
Prandaj, buxheti i këtij viti për arsim është 12% më i lartë sesa në vitin paraprak.
Kryefjalë është avancimi i sistemit arsimor, në epiqendër do të jenë nxënësit dhe mësimdhënësit. Duke avansuar edukimin dhe përmirësuar rezultatet në arsim e zhvillojmë edhe shtetin. /InLajmi/
