Medalistja e bronztë e botës në boks, Donjeta Sadiku, është nderuar sot nga Ministria për Kulturë, Rini e Sport, Komiteti Olimpik i Kosovës dhe Federata e Boksit e Kosovës, për suksesin e arritur në Kampionatin Botëror të Femrave, të mbajtur në Stamboll të Turqisë, përcjell InLajmi.
Në fjalën e tij, presidenti i KOK-ut, Krasniqi vlerësoi lart suksesin e Donjetës, duke theksuar se kjo arritje ka ardhur edhe pas mbështetjes që KOK i ka dhënë Sadikut, derisa uroi që ky sukses të kulmojë edhe me podiumin olimpik Paris 2024.
Edhe zëvendësministrja Daulina Osmani theksoi se traditën e boksit kosovar po e vazhdon një femër, e cila i solli vendit medaljen e bronztë të botës.
Kryetari i FBOXK-së, Enver Krasniqi, po ashtu vlerësoi lart suksesin e Donjeta Sadikut, duke i uruar fat dhe suksese të mëtejmë asaj dhe boksierëve tjerë.
Boksierja Sadiku, që të bronztën e fitoi gjatë kësaj jave në kategorinë deri në 60 kilogramë, u shpreh e lumtur me suksesin, të cilin ia dedikoi gjithë komunitetit të boksit, ndërsa theksoi se synimet e tanishme të saj janë Lojërat Mesdhetare Oran 2022, Kampionati Evropian, si dhe Lojërat Olimpike Paris 2024.
Të pranishëm në sallën “1 Tetori”, ku sot u zhvilluan edhe finalet e turnout “Lah Nimani”, ishin edhe legjendat e boksit, të cilat kanë lënë gjurmë në vitet 70-ta dhe 80-ta. /InLajmi/
