Deputetja e AAK-së, Time Kadriaj, ka thënë se kryeministri Kurti po i bën nder Vuçiqit, pasi ky i fundit kishte thënë “Millosheviqi s’e pyeste kurrë Vuçiqin edhe pse e kishte ministër”, përcjell InLajmi.
Sipas saj, Kurti me këtë deklaratë po e shfajëson Vuçiqin për krimet në Kosovë.
Ajo theksoi se mbështetësit e Lëvizjes Vetëvendosje, po qëndrojnë të mobilizuar natë e ditë për të linçuar kundërshtarët politikë, vetëm pse ata po mbrojnë vlerat e shenjta të luftës së UÇK-së.
Kadrijaj tha se Kurti ka rënë poshtë me qëndrimet e tij, që nga kushti që kishte para dialogut me Serbinë e deri te amnistia për udhëheqësit serb.
Kur u afrua kaq shumë me presidentin serb? Çfarë halli e shtyen ta amnistojë atë, nga krimet e kryera kundër popullit të Kosovës?, shkruan ajo.
Postimi i plotë i tij:
Skandalet e Kurtit vazhdojnë. Tani paska shfajësuar presidentin serb Vuçiq për krimet në Kosovë duke thënë se Millosheviqi nuk e ka pyetur Vuçiqin.
Përpos se është konstatim i pasaktë, nuk e kuptojmë pse Kurti ia bën këtë nder Vuçiqit, kur i njëjti ka mohuar gjenocidin në Kosovë? E në anën tjetër armata e rrjeteve sociale të VV-së, rri e mobilizuar natë e ditë për të linçuar kundërshtarët politikë, vetëm pse ata mbrojnë vlerat e shenjta të luftës së UÇK-së.
Sa poshtë ka ra Kurti. Nga kushti që para dialogut Serbia duhet të kërkojë falje për krimet, e deri te amnestia për udhëheqësit serb. Kur u afrua kaq shumë me presidentin serb? Çfarë halli e shtyen ta amnistojë atë, nga krimet e kryera kundër popullit të Kosovës? Turp! /InLajmi/
