Ish-kryetari i Skenderajt, Bekim Jashari, ka kujtuar Shaban Jasharin, në ditëlindjen e tij, duke ju referuar si Baba Shaban, përcjell InLajmi.
Jashari ka thënë se Bekim Jashari, tërë jetën e tij ia ka kushtuar Kosovës, duke u bërë kështu mësuesi i parë në Drenicë, për t’i dalë zot atdheut.
gjithashtu, ish-kryetari i Skenderajt, tha se Shabani së bashku me familjen e tij, kishin dalë për të luftuar për 3 ditë pa u ndalur kundër një ushtrie të tërë çetnike dhe ra heroikisht për të mbetur përherë pjesë e historisë sonë të lavdishme.
Postimi i plotë i tij:
Sot Baba Shaban, njëherit shkolla fillore që me krenari mbanë emrin e tij, kanë ditëlindjen e tyre.
98 vite me parë i lindur si i vetmi femijë djalë i familjes, i rritur në kushte të vështira ekonomike dhe rrethana politike jo të mira, falë vullnetit të tij të madh, gjyshi arriti që të edukoj shumë breza në fushën e dijes, por edhe arriti të rritë trima të cilët mbrojtën atdheun deri në frymën e fundit.
Baba Shaban tërë jetën e tij ia kushtoi Kosovës, edukimit të brezave të rinj, duke u bërë kështu mësuesi i parë në Drenicë, ideologu që edukoj e frymëzoj shumë breza me vlera tona patriotike, për t’i dalë zot atdheut.
Ai bashkë me babushin Hamëzen e Komandantin Legjendar Adem Jashari, qysh në vitet e 90-ta kishin vendosur që të luftojnë për Lirinë tonë kurse mbështetje të madhe logjistike kishin mixhën e dashur Rifat i cili vepronte e ndihmonte nga Gjermania.
Baba Shaban, bashkë me djemtë, gratë e familjes, nipa e mbesa, luftuan për3 ditë pa u ndalur kundër një ushtrie të tërë çetnike dhe ra heroikisht për të mbetur përherë pjesë e historisë sonë të lavdishme.
Urime ditëlindja Baba Shaban, jetoj e punoj me mësimet tua!
Urime dita e shkollës nxënës e mësimdhënës të shkollës fillore “Shaban Jashari!
Lavdi babës Shaban dhe gjithë dëshmorëve e heronjve të kombit tonë! /InLajmi/