Ambasadori amerikan në Serbi, Christopher Hill, ka vlerësuar sot se për Serbinë nuk ka herë të 3-të, por se zgjidhje në mes Lindjes dhe Perëndimit.
Hill theksoi se qytetarët e Serbisë kanë vendosur që e ardhmja e tyre të jetë në Perëndim, e jo në ndonjë Lindje të padefinuar.
Për dallim nga e kaluara, ku në Serbi mendohej se ka një rrugë të 3-të, se Serbia nuk është as në Lindje e as në Perëndim, se është e veçantë dhe shkon në rrugën e vet, tani shumica në Serbi mendojnë për të drejtën, duke menduar se rruga e vetme është ajo drejt Perëndimit, në Bashkimin Evropian”, tha ai.
Ai është shprehur i zhgënjyer se si në Serbi ekziston ende diskutimi i problemit me Kosovën.
Ambasadori amerikan tha se Kosova është vend fqinj i Serbisë dhe se duhet zgjidhur të gjitha problemet, përmes dialogut që po zhvillohet në Bruksel.
“Të gjithë elementët duhet të jenë në tryezën e negociatave dhe unë dekurajohem kur shoh që njëra palë dëshiron një gjë, që tjetra nuk e dëshiron atë”.
“Kur Putin përmendi Kosovën si frymëzim për planet e Ukrainës, kjo dukej e çuditshme për shumicën. Nuk jam i sigurt nëse Rusia u interesua për Serbinë, as më parë dhe veçanërisht tani”, tha Hill, duke shtuar se nuk është në interesin e Serbisë të jetë kështu, energji e varur nga Rusia.
Ambasadori amerikan tha se SHBA-të janë eksportues i gazit dhe se po përpiqen ta bëjnë Serbinë të bashkohet me gazsjellësin amerikan, transmeton Lajmi.net.
“Po përpiqemi ta lidhim Serbinë me tubacionet e gazit në portet detare. Ka edhe energji bërthamore, e cila mendoj se duhet të mbështetet”, shtoi tutje Hill.
