Kosova nuk është futur në agjendën formale në mbledhjen e Komitetit të Ministrave të Këshillit të Evropës që mbahet sot në Torino të Italisë, përcjell InLajmi.
Lajmin për këtë e ka bërë të ditur deputetja e PDK-së, që njëherit është anëtare e komisionit parlamentar për Punë të Jashtme Ariana Musliu-Shoshi, e cila tha se krejt kjo është rezultat i diplomacisë së fjetur të Kosovës.
Ajo njoftoi se sot është konfirmuar që aplikimi i Kosovës për KE nuk do të jetë pjesë e agjendës formale në këtë takim.
Deputetja theksoi se shpreson që aplikimi i Kosovës në Këshillin e Evropës të shqyrtohet me datën 1 qeshor, ku edhe do të jetë mbledhja e ardhshme e zëvendësministrave në Strasburg.
Postimi i plotë i saj:
Ky është rezultat i diplomacisë së fjetur e JO të heshtur!
Që nga dita kur kemi dorëzuar kërkesën për aplikim në KE kam kërkuar qartësi nga qeveria se a do të jemi pjesë e agjendës formale në mbledhjen e Komitetit të Ministrave të Këshillit të Evropës që mbahet sot në Torino të Italisë!
Sot u konfirmua që ne nuk NUK jemi pjesë e agjendës formal në këtë takimin.
Rrjedhimisht sot nuk do të shqyrtohet kërkesa e 🇽🇰 për anëtarësim në KE! Pra nuk mund të fillojnë procedurat zyrtare pa diskutim dhe votim.
Të shpresojmë se do të jemi pjesë e agjendës formale në takimin e zv.Ministrave që mbahet në Strasburg me datë 1 qershor 2022! /InLajmi/
