Ish-zëvendësministri i Arsimit, Xhavit Rexhaj, ka thënë që, duke e shikuar situatën e krijuar në arsim, duhet të shpallet gjendje e jashtëzakonshme në sektorin e arsimit.
Ai deklaroi që do të ishte pro kësaj nëse do të ishte në pozitën e zëvendësministrit të Arsimit sepse, sipas tij, gjendja në arsim në vendin tonë është shumë e rënduar.
Këto deklarata Xhavit Rexhaj i bëri në emisionin “News Talk”.
Ish-zëvendësministri i Arsimit, duke komentuar protestën e sotme të SBASHK-ut, ka thënë se është kundër ndërprerjes së mësimit dhe kundër paralajmërimit për grevë të përgjithshme, shkruan Klan Kosova.FM.
Njohësi i arsimit thotë se qeveria duhet të dialogojë me sindikatën dhe të dalin me ndonjë vendim rreth kërkesave të tyre.
