Deputeti i Lëvizjes Vetëvendosje, Enver Dugolli, ka kujtuar 23-vjetorin e masakrës në Burgun e Dubravës, raportom InLajmi.
Dugolli ka shfaqur emrat e të vrarëve të vitit 1997 të burgut të Dubravës, derisa ka kërkuar që drejtësia vendore dhe ndërkombëtare t’i vë para drejtësisë.
“Sot dita kur para 23 vitesh filloi loja ndaj të burgosurve shqiptar në Burgun e Dubravës. Më lejoni që të shpalos një kronologji së cka ka ndodh. Mbrapa meje po i shihni emrat e të vrarëve, në fund do të merrni edhe një liste të gardianëve e udhëheqësve dokument zyrtar i vitit 1997 që mund të gjeni dhe janë përfaqësish të gjithë zyrtarët e burgut të Dubravës që kanë marr pjesë ose dinë më shumë rreth burgut të Dubravës”, ka thënë Enver Dugolli.
Më tej, deputeti i VV-së, tha se nuk po kërkojmë asgjë më shumë përveq drejtësisë.
“Nuk po kërkojmë asgjë më shumë se drejtësi. Të gjithë ne do të dëshmojmë vetëm të vërtetën”, tha ai.
Tutje, Dugolli ka thënë edhe pas 23 vitesh, të mbijetuarit e kësaj masakre i kujtojnë përgjegjësit dhe ekzekutorët që që i kishin vënë maskat në fytyrë për të mos u dalluar.
“Këtu janë emrat e të vrarëve e të masakruarve shqiptarë në Burgun e Dubravës. Sot, edhe pas 23 vitesh neve të mbijetuarve na shfaqen para syve skenat e llahtarshme të vrasjeve së bashku me klithmat e vëllezërve tanë që shuheshin para plumbave e granatave të hedhura mbi trupat tanë. Ne ende i mbajmë mend përgjegjësit e ekzekutorët që i kishin vënë maskat në fytyrë për të mos u dalluar”, ka thënë deputeti i VV-së.
Deputeti i Lëvizjes Vetëvendosje, u shpreh se një vit ky burg po shfaqet në bazën e policisë speciale serbe dhe një vit më vonë po grumbullohen pengjet shqiptar të rikthyer nga burgjet e Serbisë. /InLajmi/
