Shefi parlamentari i Partisë Demokratike të Kosovës, Abelard Tahiri në seancën plenare të Kuvendit të Kosovës, në ditën e enjte ka thënë se ZRRE-ja ka dëmtuar financiarisht 450 mijë familje kosovare dhe sipas tij ky institucion duhet të ndiqet penalisht, raporton InLajmi.
“Është një vepër penale që ZRRE-ja, ka dëmtuar 450 mijë familje dhe duhet të ndiqet penalisht. Tashmë e kemi vendimin final të gjykatës së Apelit. Është lajm i mirë për secilin qytetar që energjia nuk do të paguhet me haraçin e tarifave. Ajo që duhet të ndodh është shkarkimi i bordit të ZRRE. Këta njerëz i kanë ndëshkuar më shumë se 450 mijë familje dhe nuk duhet të tolerohet”, tha ai.
Sipas Tahiri vendimi i Gjykatës së Apelit për rrëzimin e vendimit të ZRRE-së për ngritjen e tarifave të shtrenjta të energjisë është një lajm shumë i mirë për secilin qytetarë.
Tutje Abelard Tahiri ka theksuar se pas vendimit të gjykatës duhet të shkarkohet bordi i ZRRE-së, /InLajmi/
