Ministria e Punëve të Jashtme dhe Diasporës, përmes ambasadës së Republikës së Kosovës në Vjenë, është informuar mëngjesin e sotëm për një aksident trafiku të autobusit kosovarë që ishte nisur drejt shteti të Austrisë, përcjell InLajmi.
Ministria ka njoftuar se në spitalin e Salzburgut, ndihmë mjekësore kanë kërkuar 8 persona, dhe pas trajtimit, 7 prej tyre janë liruar, derisa një person vazhdon të mbahet për trajtim në këtë spital.
Sipas Ministrisë së Punëve të Jashtme dhe Diasporës për momentin nuk ka asnjë viktimë.
Njoftimi i Plotë, i Ministrisë së Punëve të Jashtme dhe Diasporës:
Ministria e Punëve të Jashtme dhe Diasporës, përmes ambasadës së
Republikës së Kosovës në Vjenë, është informuar mëngjesin e sotëm për një aksident trafiku të autobusit që po barte udhëtarë kosovarë drejt shtetit të Austrisë.
Ambasadori i Kosovës në Austri, z.Lulzim Pllana, ka shkuar menjëherë në vendin e ngjarjes dhe është duke ofruar mbështetjen e ambasadës tonë për të gjithë të lënduarit dhe familjet e tyre.
Në Spitalin e Salzburgut, ndihmë mjekësore kanë kërkuar 8 persona, dhe pas trajtimit, 7 prej tyre janë liruar, derisa një person vazhdon të mbahet për trajtim në këtë spital.
Ambasada e Kosovës në Austri është në kontakt të vazhdueshëm me autoritetet policore dhe shëndetësore në Salzburg, dhe do të dalë me një njoftim më të detajuar sapo të pranoj informatat zyrtare.
Deri në këtë fazë mund të konfirmojmë se nuk ka asnjë viktimë, dhe 7 nga 8 personat që kanë pësuar lëndime, janë trajtuar dhe janë në gjendje të mirë shëndetësore.
MPJD do t’ju mbajë të përditësuar në vazhdimësi për rastin./InLajmi/
