Kryeministri i Shqipërisë, Edi Rama ka reaguar ndaj deklaratave të fundit të presidentes së Kosovës Vjosa Osmanit dhe presidentit të Malit të Zi Milo Gjukanoviq, të cilët shprehën hapur qëndrimin e tyre kundër Ballkanit të Hapur, përcjell InLajmi.
Rama ka thënë se çdokush e ka të drejtën të jetë kundër Ballkanit të Hapur, mirëpo theksoi se kjo nismë e nxit paqen, bashkëpunimin dhe integrimin, gjithashtu sipas tij kjo nismë e përshpejton edhe procesin e Berlinit.
Tutje Rama tha se Ballkani i Hapur nuk do të ndalet sepse e ardhmja nuk ndalet dot. /InLajmi/
Kushdo është kundër Ballkanit të Hapur është në të drejtën e vet që as mos të shohë, as mos të dëgjojë dhe as mos të kuptojë se kjo nisëm nxit paqen, bashkëpunimin, integrimin dhe e përshpejton Procesin e Berlinit! Ballkani i Hapur nuk do të ndalet sepse e ardhmja nuk ndalet dot.
— Edi Rama (@ediramaal) May 18, 2022
