Kryetari i PDK-së, Memli Krasniqi me bashkëpunëtorë, ka vizituar familjet e Nasim Haradinajt dhe Hysni Gucatit, pas dënimit të tyre nga Gjykata Speciale, përcjell InLajmi.
Krasniqi përmes një postimi në Facebook është shprehur se qëndrueshmërinë dhe krenarinë kombëtare i gjetën te këto familje edhe në këtë ditë aspak të lehtë për ta.
“E mundimshme dhe me plot pengesa ka qenë rruga jonë për liri, por populli ynë nuk i është shmangur kurrë asaj rruge, deri në çlirimin e plotë. Këtë traditë e kanë kultivuar ndër breza edhe familjet Gucati e Haradinaj, me të cilët, sot jemi të gjithë me mendje e zemër.”, shkruan Krasniqi. /InLajmi/
