Kryetari i Aleancës për Ardhmërinë e Kosovës, Ramush Haradinaj, ka reaguar pas vendimit të Gjykatës së Apelit që e pezulloi vendimin e ZRRE-së për shtrenjtimin e rrymës, përcjell InLajmi.
Lidhur më këtë, kreu i AAK-së, ka thënë se ky vendim e justifikon kundërshtimin e vazhdueshëm te tyre ndaj shtrenjtimit të rrymës.
Më tej Haradinaj, tha se pret nga qeveria që t’ua kthejë paratë qytetarëve, që iu morën përmes faturave të fryera.
Postimi i plotë i tij:
T’u kthehen paratë qytetarëve
Vendimi i sotëm i Gjykatës së Apelit që e pezullon vendimin e ZRRE për shtrenjtimit e rrymës, e justifikon kundërshtimin tonë të vazhdueshëm ndaj shtrenjtimit.
Me të drejtë e kemi vlerësuar që qytetarët po vidhen, e sot jemi të lumtur që gjykata vihet në shërbim të mbrojtjes së interesit publik.
Presim që qeveria të marrë vendim të shpejtë që paratë që iu morën qytetarëve përmes faturave të fryera, tu kthehen pa vonesë! /InLajmi/
