Fituesi i konkursit ndërkombëtar të këngës “Eurovision 2022”, grupi ukrainas “Kalush Orchestra” do të zhvillojë turne nëpër qytetet evropiane për të mbledhur fonde në mbështetje të Forcave të Armatosura dhe viktimave të luftës ruse, transmeton InLajmi.
Frontmeni i grupit Oleh Psyuk në një konferencë në Lviv të martën, me 17 maj deklaroi se këto turne do të zhvillohen së shpejti.
“Sa i përket turneut në Evropë për të mbledhur para, kjo është ajo që ne planifikojmë të bëjmë. Së shpejti do të njoftojmë në rrjetet tona sociale qytetin ku do të performojmë. Në çdo event do të mbledhim para për ushtrinë dhe fonde zyrtare”, tha këngëtari.
Ai tha gjithashtu se grupi do të nxjerrë në ankand një statujë të fituesit të Eurovision-2022. Të ardhurat do të shkojnë për të mbështetur Ukrainën, shkruan Top News.
Kujtojmë, një ditë më parë Orkestra Kalush u kthye nga Torino i Italisë. /InLajmi/
