Kryetari i Kuvendit të Kosovës, Glauk Konjufca në 23 vjetorin e zhdukjes së veprimtarit, Ukshin Hoti ka bërë homazhe para shtëpisë-muze në fshatin Krushë e Madhe, raporton InLajmi.
Konjufca ka thënë se Hoti ka lënë një trashëgimi të jashtëzakonshme intelektuale, patriotike dhe me këtë trashëgimi brezat e tashëm dhe të ardhshëm do ta kujtojnë gjithmonë.
“Ai na ka lënë një trashëgimi të jashtëzakonshme intelektuale, patriotike dhe atdhetare, të cilën gjithnjë do ta kujtojmë brezat e tashëm dhe të ardhshëm, për shkak të mendimeve politike që na i ka lënë. Vepra e tij na ndriçon rrugën edhe sot, edhe si zyrtarë politikë, por edhe atyre që studiojnë politikën”, tha ai.
Krye parlamentari, Konjufca ka shtuar se Ukshin Hoti do të kujtohet gjithnjë sa të ketë komb shqiptar.
Kjo qasje tregon se Serbia nuk ka ndërruar drejtimin të cilin e ka pasur në vitin 1998-1999 kundër popullit shqiptar. Ukshin Hoti do të kujtohet gjithnjë, sa të ketë komb shqiptar, për arsye se veprimtaria e tij patriotike ka vazhduar dekada me radhë. Ai ishte i gatshëm ta lë edhe postin e profesorit në Universitetin e Prishtinës për t’iu dalë në mbrojtje protestave të studentëve të vitit 1981. Me këtë ka dëshmuar se ishte gjithnjë në anën e popullit”, shtoiKonjufca.
Tutje Konjufca ka treguar se aktivisti Ukshin Hoti ishte i gatshëm ta linte dhe postin e profesorit në Universitetin e Prishtinës vetëm për t’iu dalë në mbrojtje protestave të studentëve të vitit 1981./InLajmi/
