Presidenti i Serbisë, Aleksandar Vuçiq, tha se emrat e 4 shteteve të cilat thotë se e kanë tërhequr njohjen e Kosovës do t’i bëjë të ditur “kur të jetë më e zgjuar”, sepse tani tha se nuk dëshiron ta vë Serbinë në “një pozitë të tmerrshme”.
Vuçiq hedhi akuza ndaj Perëndimit në TV Prva, duke thënë se “Perëndimi është hipokrit sepse e pengon Serbinë ta ruajë integritetin e saj”, duke e krahasuar Ukrainën me Serbinë.
Duke shfrenuar imagjinatën, siç bën zakonisht, Vuçiq e arsyetoi armatosjen e Serbisë me “kërcënime”, pa treguar se nga kush po ndihet i rrezikuar, transmeton Gazeta Express.
Ai ndër tjerash tha se “ambasadorët nuk mund ta udhëheqin politikën e Serbisë”.
