Kryetari i Deçanit, Bashkim Ramosaj ka sqaruar se qytetarët nuk duhet të shqetësohen për ujin e pijshëm, pasi gjendja është nën kontroll, duke qenë se edhe para një viti komuna është përballur me një valë të madhe të helmimeve nga uji i pijes, përcjell InLajmi.
Ramosaj ka thënë se gjatë ditës së sotme i është drejtuar Insitutit Rajonal në Pejë dhe Ndërmarrjes Rajonale Hidrodrini në Pejë me kërkesën për analiza të ujit të pijes.
Ai gjithashtu ka kërkuar nga qytetarët, që të mos bëjnë panik.
Postimi i plotë i tij:
Në komunën e Deçanit ditët e fundit ka pasur reshje të shpeshta të shiut dhe meqë komuna jonë para një viti është përballur me një valë të madhe të helmimeve të qytetarëve nga uji i pijes, për shkaqe sigurie sot në mëngjes i jam drejtuar IKSHKP-së, Insitutit Rajonal në Pejë dhe Ndërmarrjes Rajonale Hidrodrini në Pejë me kërkesën për Analiza të ujit të pijes.
I lus qytetarët që mos të shqetësohen sepse gjendja është nën kontroll dhe nuk ka vend për panik. /InLajmi/
