Suedia dhe Finlanda po synojnëanëtarësimin drejt NATO-s dhe pothuajse të gjithë anëtarët e NATO-s e kanë përkrahur, por vetëm Turqia nuk u ka shprehur mbështetje, transmeton InLajmi.
Ankaraja akuzon të 2 vendet se i kanë dhënë mbështetje Partisë së Punëtorëve të Kurdistanit (PKK), e cila ka zhvilluar një luftë të armatosur kundër qeverisë turke për dekada.
Ministri i Jashtëm turk Mevlut Cavusoglu tha se Suedia dhe Finlanda duhet të ndalojnë mbështetjen e terroristëve në vendet e tyre, si dhe të ofrojnë garanci të qarta sigurie dhe të heqin ndalesat e eksporteve ndaj Turqisë.
Megjithatë ai shtoi se Turqia nuk po kërcënonte askënd, shkruan BBC.
Sekretari i Shtetit i SHBA-së Antony Blinken, zyrtarë të NATO-s dhe politikanë suedezë dhe finlandezë thonë të gjithë se janë të bindur se çdo shqetësim mund të adresohet. /InLajmi/
