Një ngjarje e rëndë ishte sot për familjen Mena, ku pa pritut ndërroi jetë , 17 vjeçar i cili raportohet të jetë dërguar pa shenja jete në Qendrën e Mjekësisë Familjare në Komoran, përcjell InLajmi.
Mjekë kujdestar në QKMF, ishte Dr.Feriz Bytyqi i cili ka reaguar me nje shkrim prekës për të ndjerin.
Ai tha se vdekja e të riut ishte dhimbje e përgjegjësi edhe për stafin shëndetësor.
Doktor Bytyqi theksoi se kanë bërë të pamundurën, por se nuk arritën ta shpëtonin atë.
Postimi i plotë i tij:
“Ndarja nga jeta në mosën 17 vjeçare e të riut nga Lipjani Argjend Mena, jo vetëm që ishtë një goditje e rëndë për familjen e të dashurit e tij, por ishte edhe një dhimbje dhe përgjegjësi edhe për ne si staf shëndetësor. Ku përkundër masave tona mjekësore për të bërë të pamundurën të mundur, shpirti i i tij u ngjit lartë për tek Poseduesi e Krijuesi Absolut, Atij i qofshim falë. Zoti të mëshiroftë ty o engjull, e të pafshim një ditë duke u kënaqur atje lartë në Parajsë tek Zoti yt”, ka shkruar ai. /InLajmi/
