Ministri i Administrimit dhe Pushtetit Lokal në Republikën e Kosovës, Elbert Krasniqi ka vizituar komunën e Zubin Potokut me qëllim që të mbështet komunitetet në realizimin e projekteve infrastrukturore dhe socio-ekonomike, përcjell InLajmi.
Ministri Krasniqi gjithashtu ka takuar familjet në zonën e Zubin Potoku duke i mbështetur në realizmin e projekteve të ardhshme në këtë komunë.
Krasniqi i shoqëruar me Milot Gashin pjesëtar i kabinetit të MPB-së, kanë vizituar pikat doganore Bube 32 dhe Bërnjak 16, për të parë nga afër qarkullimin e lirë të qytetarëve kosovar në ato zona.
Postimi i plotë, i tij:
Mbështetja e Komunave të Republikës së Kosovës është prioritet për Ministrinë e Administrimit të Pushtetit Lokal dhe në veçanti për grupet më të ndishme të shoqërisë për të cilat kemi ndarë fondet adekuate.
Në Zubin Potok vizituam Zyrën për Komunitete i shoqëruar nga zëvendëskryesuesi i kuvendit komunal z. Vedat Mehmeti bashkëbiseduam me zyrtarët e zyrës komunale për komunitete për mundësinë e mbështetjes së qytetarëve në projekte të ndryshme infrastrukturore dhe socio-ekonomike, poashtu takuam familjet e kësaj zone dhe bujkun Ahmet Uka.
Gjithashtu i shoqëruar nga Milot Gashi pjesëtar i kabinetit të MPB-së, vizitova pikat doganore Bube 32 dhe Bërnjak 16, për të parë nga afër qarkullimin e lirë të qytetarëve tanë atje me qëllim të përmirësimit të kushteve dhe qarkullimit më të lehtë./InLajmi/
