Ushtruesi i detyrë së OVL-së, Faton Klinaku ka treguar se veteranë të shumtë i kanë shkruar duke ia bërë të ditur se do kërkojnë protesta dhe ky i fundit ka shtuar se për këto protesta po mbajnë takime në degë të OVL-së, përcjell InLajmi.
Sipas Klinakut ndryshimin e ligjit që po përpiqet ta bëjë koalicioni i papërgjegjshëm qeveritar, me anë të cilit do të shkëputen pensionet nga lidhja me pagën minimale, duhet të bllokohen menjëherë para leximit të 2-të të tyre.
Klinaku ka theksuar se me deputetët e opozitës dhe pozitës është në kontakt për ta penguar sipas tij, papërgjegjësinë e këtij koalicioni.
Postimi i plotë, i tij:
Veteranët që po më shkruajnë e po kërkojnë protesta, iu them që të rrijnë gati kurdo që ne i thërrasim për protestë. Për këtë po bëjmë takime me degë.
Sa i përket ndryshimit të ligjit që po përpiqet ta bëjë ky koalicion i papërgjegjshëm qeveritar, me anë të të cilit po do që t’i shkëpus pensionet nga lidhja me pagën minimale, ju them veteranëve se nëse rastësisht e bëjnë është vetëm miratimi i leximit të parë, dhe para se ata ta bëjnë leximin e 2-ë ne duhet që masovikisht të dalim e t’i bllokojmë.
Për ta penguar këtë papërgjegjësi të këtij koalicioni, ne kemi qenë dhe jemi në kontakt edhe me deputetët e opozitës dhe pozitës, por do të shfrytëzohet edhe gjykata kushtetuese për të konstatuar shkeljet që duan t’i bëjnë./InLajmi/
