Deputeti i Lëvizjes Vetëvendosje, Enver Dugolli, ka thënë se Qeveria e Kosovës me rritjen e pagës minimale synon që të përfitojnë rreth 100 mijë qytetarë, raporton InLajmi.
Ai theksoi se është i habitur nga mendimet e deputetëve, të cilët po e kundërshtojnë këtë projektligj me arsyen se po diskriminohen veteranët e luftës.
Deputeti tha se paga minimale ka qenë e pandryshuar që 11 vite, dhe tani deputetët po abuzojnë me kontributin e veteranëve të luftës dhe me emrat e tyre.
“Kur po i dëgjoi opozitën jam i habitur a jemi duke folur për ligjin e pagave apo për kategorinë e veteranëve. Është turp që deputetët sot abuzojnë me kontributin dhe emrin e tyre. Ky ka qenë synim i Qeverisë Kurti që nga ditët e para të Qeverisjes. Që 11 vite paga minimale mbeti e pandryshuar. Qeveria Kurti syno që me këtë rritje të pagës minimale të fitojnë rreth 100 mijë punëtorë”, ka thënë Dugolli.
Tutje ai theksoi se numri i veteranëve nuk është numër real, mirëpo Qeveria e Kosovës është në bisedë të vazhdueshme me organizatat e veteranëve të luftës së UÇK-së për bashkëpunim për këtë çështje.
“Qeveria Kurt ka një bisedë të vazhdueshme me organizatat e veteranëve të luftës së UÇK-së dhe bashkëpunimi. Ne gjithë e dim që numri real i veteraneve nuk është ky që po na servohet dhe na kanë sjell deri ktu”, tha ai.
